السلام عليكم ورحمة الله وبركاته
کیا کوئی مرد اللہ تعالیٰ کی خاطر کسی عورت سے محبت کر سکتا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
دوسروں کے بارے میں خیرخواہی کے پاکیزہ جذبات کا نام محبت ہے اور یہ جذبات تمام مسلمانوں سے ہونے چاہئیں۔ لیکن انفرادی طور پر ناممکن ہے کہ اس قسم کا تعلق ایک مرد اورعورت میں پیدا ہو۔ اس کی وجہ یہ ہے کہ مرد اور عورت کے درمیان پائی جانے والی طاقتور فطری کشش اس قسم کے پاکیزہ تعلق کو قائم ہونے ہی نہ دے گی۔ اگر ایک مرد اور عورت میں قلبی لگاؤ پیدا ہو جائے تو فطری خواہشات اپنا رنگ دکھائیں گی۔ مزید یہ کہ فریقین میں سے کوئی ایک یا دونوں شادی شدہ ہوں تو یہ تعلق نہ ختم ہونے والے مسائل کو جنم دے گا۔ مرد و عورت میں اس کے نتیجے میں باہمی ملنے جلنے یا سماجی رابطوں کی نوبت نہیں آنی چاہئے۔
ایک مرد اور ایک عورت کے درمیان اللہ کی خاطر خالص تعلق قائم ہونے کا امکان نہیں ہے۔ کیونکہ اس قسم کی محبت جذباتی تعلقات تک لے جاتی ہے جبکہ شریعت ایک مرد اور ایک عورت کے درمیان ایسے تعلقات کی اجازت نہیں دیتی۔
ھذا ما عندي والله أعلم بالصواب
ماخذ:مستند کتب فتاویٰ
