السلام عليكم ورحمة الله وبركاته
ہمارے محلے کی بعض خواتین شوال کے چھ روزے رکھنے کے بعد سات شوال کو عید کرتی ہیں، عید کی نماز تو نہیں پڑھتیں مگر سویاں اور پھیونیاں وغیرہ پکا کر عید کا سا رنگ ڈھنگ اپناتی ہیں، ان کا یہ طرز عمل کیسا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
عیدالفطر کے بعد شوال کے چھ روزوں کی بہت زیادہ فضیلت احادیث میں بیان ہوئی ہے مگر یہ لگاتار رکھنا ضروری نہیں ہیں، مزید برآں یہ روزے نفل ہیں فرض نہیں۔ شریعت میں نفل روزوں کے بعد عید کرنے کا تصور ہی نہیں نیز عیدالفطر اور عیدالاضحیٰ کے علاوہ کوئی تیسری عید نہیں۔
ھذا ما عندي والله أعلم بالصواب