السلام عليكم ورحمة الله وبركاته
کلی کرتے وقت یا ناک میں پانی چڑھاتے وقت اگر پانی حلق سے نیچے اتر جائے تو کیا اس سے روزہ ٹوٹ جائے گا؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
روزہ دار جب کلی کرے یا ناک میں پانی چڑھائے اور پانی حلق سے نیچے اتر جائے تو روزہ نہیں ٹوٹے گا، کیونکہ اس نے ایسا جان بوجھ کر نہیں کیا ہے۔ اللہ تعالیٰ کا فرمان ہے:
﴿وَلَيسَ عَلَيكُم جُناحٌ فيما أَخطَأتُم بِهِ وَلـٰكِن ما تَعَمَّدَت قُلوبُكُم ...﴿٥﴾... سورة الاحزاب
’’تم سے بھول چوک میں جو کچھ ہو جائے اس میں تم پر کوئی گناہ نہیں ہے البتہ گناہ وہ ہے جس کا تم ارادہ دل سے کرو۔‘‘
(فضلۃ الشیخ محمد بن صالح عثیمین رحمہ اللہ)
البتہ روزہ دار کو تلقینِ نبوی ہے کہ وہ اس سلسلے میں احتیاط سے کام لے۔
ھذا ما عندي والله أعلم بالصواب
ماخذ:مستند کتب فتاویٰ
