ایک شخص نے اپنے والدین کے روبرو اپنی بی بی کو طلاق دے دی ۔ ایک مہینے کے بعد اپنے والدین کے کہنے اور دوسروں کے اصرار سے باوجود نااتفاقی کے اس عورت سے رجعت کر کے ہم بستر ہوا اور ہنوزوہ نااتفاقی چلی آتی ہے تو قرآن و حدیث کے رد سے وہ طلاق جائز ہے یا نہیں اور اب پھر شرعاً طلاق دینے کا مجاز ہے یا نہیں ؟اور دین مہر دینا ہو گا یا کیا؟ مع شرائط طلاق تحریر فرمائیے ۔
صورت سوال میں مرد جو عورت کو طلاق دے چکا ہے شرعاً جائز ہوا بشرطیکہ وہ طلاق حیض میں نہ دیا ہو بلکہ ایسے طہر میں دیا ہو جس میں وطی نہ کی ہوا وراس عورت سے رجعت کرنے کے بعد جو پھر ہم بستر ہوا تو بھی اس کو طلاق شرعاًدے سکتا ہے اسی شرط سے جواوپر مذکور ہوئی اور دین مہر اس عورت کو مرد پر دینا لازم ہے۔
(یہ طلاق (رجعی ) دوبار ہے پھر طریقے سے رکھ لینا ہے یا نیکی کے ساتھ چھوڑدیناہے)
(پھر وہ جن سے تم ان عورتوں سے فائدہ اٹھاؤ پس ان کے مہر دو جو مقرر شدہ ہوں)
(اے نبی صلی اللہ علیہ وسلم ! جب تم عورتوں کو طلاق دو تو انھیں ان کی عدت کے وقت طلاق دو اور عدت کو گنو)
(صحیح بخاری 3/223مطبوعہ مصر)
(عبد اللہ بن عمر رضی اللہ تعالیٰ عنہ سے روایت ہے کہ انھوں نے رسول اللہ صلی اللہ علیہ وسلم کے زمانے میں اپنی بیوی کو طلاق دے دی جب کہ وہ ایام حیض میں تھی عمر رضی اللہ تعالیٰ عنہ نے اس کے بارے میں رسول اللہ صلی اللہ علیہ وسلم سے دریافت کیا تو آپ صلی اللہ علیہ وسلم نے فرمایا:اس کو حکم دو کہ وہ اس سے رجوع کرے پھر اس کو اپنے ہاں رکھے حتی کہ وہ پاک ہو پھر اسے حیض آئے پھر پاک ہو پھر اگر چاہے تو اسے بیوی بنائے رکھے یا چاہے تو طلاق دے دے مگر مباشرت سے پہلے اور یہی وہ عدت ہے جس کے موقع پر اللہ تعالیٰ نے عورتوں کو طلاق دینے کا حکم دیا ہے)کتبہ: محمد عبد اللہ (مہر مدرسہ)
[1] ۔صحیح البخاری رقم الحدیث (4953)صحیح مسلم رقم الحدیث (1471)
