السلام عليكم ورحمة الله وبركاته
سیدنا ابن عمر رضی اللہ تعالیٰ عنہ جب حمام میں جاتے نہلانے والا آپ کے بدن پر میل دور کرنے کی کوئی چیز ملتا تو وہ ناف تک پہنچتا تو آپ اس سے بھی کہہ دیتے "اخرج"باہر چلے جاؤ۔(مجمع الزوائد 1/390ح1529)(محمد محسن سلفی کراچی)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اس روایت کی سند مجھے معلوم نہیں ہے۔مصنف عبد الرزاق (1/291) و موسوعۃ فقہ عبد اللہ بن عمر(ص308)میں اس کے معنوی شواہد ہیں۔ ابن ابی شیبہ (1/109ح1165)نے صحیح سند کے ساتھ عبد اللہ بن عمر سے نقل کیا ہے کہ انھوں نے فرمایا:
"لاتدخل الحمام فانه مما احدثوا من النعيم"
(تم حمام میں داخل نہ ہو کیونکہ انھوں نے بہت سی بدعات ایجاد کر لی ہیں۔)(شہادت اگست 2004ء)
ھذا ما عندي واللہ أعلم بالصواب
