السلام عليكم ورحمة الله وبركاته
براء بن عازب رضی اللہ تعالیٰ عنہ کی روایت سے اعادہ روح ثابت ہوتا ہے جبکہ دیگر احادیث مثلاً(نبی صلی اللہ علیہ وسلم کے بیٹے)ابراہیم کے لیے جنت میں دودھ پلانے والی موجود ہے اور عمرو بن لحی کو جہنم میں دیکھنا وغیرہ سے جنت یا دوزخ میں روح کی موجودگی بھی ثابت ہوتی ہے۔دونوں قسم کی احادیث میں تطبیق دے دیں اور بتادیں کہ روح کا اصل مقام کہاں ہے۔(وقار علی لاہور)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
حدیث براء اور دیگر احادیث میں کوئی تعارض نہیں ہے۔
اعادہ روح برزخی ہے۔ دیکھئے شرح عقیدہ طحاویہ( ص450)
اور عمر وبن لحی والا واقعہ بھی برزخی ہے۔ قبر کا تعلق جنت یا جہنم سے عالم برزخ میں قائم ہے۔ جسے ہم دنیا میں محسوس نہیں کر سکتے۔(شہادت، فروری2004ء)
ھذا ما عندي واللہ أعلم بالصواب
ماخذ:مستند کتب فتاویٰ
