السلام عليكم ورحمة الله وبركاته
کیا حیثیت ہے دلال کی ،جو دلالی کر کے رقم یا کمیشن وغیرہ وصول کرتا ہے۔ کیا درست ہے کہ نہیں؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
صحیح بخاری اور صحیح مسلم میں ہے رسول اللہﷺ نے فرمایا: «لاَ يَبِعْ حَاضِرٌ لِّبَادٍ» حضری بدوی کی خاطر بیع نہ کرے آپﷺ کے اس فرمان سے مفہوم ہے کہ حضری حضری کے مال کی بیع ، بدوی بدوی کے مال کی بیع ، اور بدوی حضری کے مال کی بیع (دلالی) کر سکتا ہے تو حضری کا بدوی کی دلالی کرنا ممنوع ہے اور باقی دلالی کی مذکورہ بالا تینوں صورتیں درست ہیں بشرطیکہ ان میں کوئی اور خلاف شرع چیز نہ پائی جاتی ہو۔
ھذا ما عندي والله أعلم بالصواب
ماخذ:مستند کتب فتاویٰ
