السلام عليكم ورحمة الله وبركاته
کیا پیشانی پر سجدہ کی وجہ سے پڑھنے والا سیاہ نشان بزرگی کی علامت ہے؟ ہمارے ہاں اسے نیکی کی علامت تصور کیا جاتا ہے۔ وضاحت فرمائیں۔
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
یہ نشان جلد کے نرم یا سخت ہونے کی وجہ سے جلدی یا دیر سے پڑتا ہے، بعض ایسے شخص بھی ہیں جو پکے نمازی اور لمبے لمبے سجدے کرتے ہیں لیکن ان کی پیشانی پر نشان نمودار نہیں ہوتا، کچھ لوگ ایسے بھی دیکھنے میں آئے ہیں کہ وہ پیشانی پر پتھر رگڑ کر اس قسم کا نشان ڈال لیتے ہیں تاکہ لوگوں میں ان کی ’’بزرگی‘‘ مشہور ہو، ہمارے نزدیک یہ نشان بزرگی کی علامت نہیں ہے بلکہ چہرے کا نور، حسن خلق اور انشراح صدر وغیرہ بزرگی کی علامت بن سکتی ہے۔ نمازی کو ان عادات کو اختیار کرنا ہو گا۔ خواہ پیشانی پر نشان پڑے یا نہ پڑے، اس کی طرف اتنی توجہ دینے کی ضرورت نہیں ہے۔ (واللہ اعلم)
ھذا ما عندي والله أعلم بالصواب
ماخذ:مستند کتب فتاویٰ
