السلام عليكم ورحمة الله وبركاته
عورتوں کے حوالے سے ہاتھوں اور پاؤں پر مہندی لگانے کا کیا حکم ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
مشہور احادیث کی وجہ سے شادی شدہ عورتوں کے ہاتھوں اور پاؤں پر مہندی لگانا مستحب (اچھا) ہے اس کی طرف سنن ابو داؤد رحمۃ اللہ علیہ کی روایت بھی راہنمائی کرتی ہے کہ کسی عورت نے سیدہ عائشہ رضی اللہ تعالیٰ عنہا سے مہندی سے رنگنے کے بارےمیں پوچھا تو انھوں نے کہا :کوئی حرج نہیں لیکن میں اسے براسمجھتی ہوں کیونکہ اللہ کے رسول اللہ صلی اللہ علیہ وسلم اس کی مہک کو براسمجھتے تھے۔[1]
اور عائشہ رضی اللہ تعالیٰ عنہا سے ہی بیان کیا گیا ہے کہتی ہیں کہ کسی عورت نے اپنے ہاتھ سے درپردہ اللہ کے رسول اللہ صلی اللہ علیہ وسلم کی طرف اشارہ کیا اس کے ہاتھ میں نبی صلی اللہ علیہ وسلم کے نام کا خط تھا تو نبی صلی اللہ علیہ وسلم نے اپنا ہاتھ کھینچ لیا اور فرمایا:
"مَا أَدْرِي أَيَدُ رَجُلٍ أَمْ يَدُ امْرَأَةٍ ؟"[2]
"میں نہیں جانتا کہ یہ کسی عورت کا ہاتھ ہے یا مرد کا؟"
اسے امام ابوداود رحمۃ اللہ علیہ اور نسائی رحمۃ اللہ علیہ نےبیان کیا ہے۔لیکن اپنے ناخنوں پر ایسی پالش نہ لگائے جو اُن پر منجمد ہوجائے۔اور طہارت سے رکاوٹ بن جائے۔(سعودی فتویٰ کمیٹی)
[1] ۔ضعیف۔سنن ابی داود رقم الحدیث(4164)
[2] ۔حسن سنن ابی داود رقم الحدیث(4166)
ھذا ما عندی والله اعلم بالصواب
ماخذ:مستند کتب فتاویٰ
