السلام عليكم ورحمة الله وبركاته
جب عورت بغیر محرم حج کرے تو کیا اس کا حج درست ہوگا؟ اور کیا سمجھ دار بچہ اس کا محرم بن سکتاہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
جہاں تک اس کے حج کا تعلق ہے وہ تو صحیح ہو گا لیکن اس کا بغیر محرم کے سفر کرنا رسول اللہ صلی اللہ علیہ وسلم کی نافرمانی ہو گا کیونکہ آپ صلی اللہ علیہ وسلم نے فرمایا:
"لَا تُسَافِرْ الْمَرْأَةُ إِلَّا مَعَ ذِي مَحْرَمٍ"[1]
"کوئی عورت محرم رشتے دار کے بغیر سفرنہ کرے۔"
اور وہ چھوٹا بچہ ،جو ابھی بالغ نہیں ہوا وہ محرم نہیں بن سکتا محرم کی شرطیں درج ذیل ہیں مذکر، بالغ اور عاقل ہو، جب ان صفات کا حامل نہیں ہو گا تو وہ محرم نہیں ہو گا۔
[1] ۔ صحیح البخاری رقم الحدیث (1763) صحیح مسلم رقم الحدیث(1341)
ھذا ما عندی والله اعلم بالصواب
ماخذ:مستند کتب فتاویٰ
