السلام عليكم ورحمة الله وبركاته
کیا میرے خاوند کے لیے میری طرف سے میرے مال کی زکوۃ نکالنا جائز ہے جبکہ وہ مال اسی نے مجھے دیا ہے؟اور کیا ایسی بہن جس کا خاوند فوت ہو چکا ہے کے بیٹے کو زکوۃ دینا جائز ہے جبکہ وہ نوجوان ہے اور شادی کرنے کا سوچ رہا ہے؟ مجھے فائدہ پہنچائیے ۔
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
جب تیرے پاس نصاب زکوۃ کو پہنچنے والا سونا چاندی یا دیگر اموال زکوۃ ہوں تو تم پر اپنے مال میں زکوۃ ادا کرنا واجب ہے جب تمھاری طرف سے تمھاری اجازت سے تمھارا شوہر زکوۃ نکال دے تو اس میں کوئی حرج نہیں ہے اسی طرح اگر تیری اجازت سے تیرا باپ یا بھائی وغیرہ زکوۃ نکال دیں تو اس میں بھی کوئی حرج نہیں ہے اور جب تیرا بھانجا شادی کے اخراجات سے عاجز ہو تو اس کو شادی کرنے میں تعاون کرتے ہوئے زکوۃ دینا جائز ہے (سماحۃ الشیخ عبد العزیز بن باز رحمۃ اللہ علیہ )
ھذا ما عندی والله اعلم بالصواب
ماخذ:مستند کتب فتاویٰ
