السلام عليكم ورحمة الله وبركاته
ہوائی جہاز کے سفر کے دوران عورت کے کپڑوں پر بچے کی نجاست لگ جاتی ہے اور وہ کپڑے بدلنے کی قدرت نہیں رکھتی کیونکہ اس کے کپڑے مخازن میں ہیں تو کیا وہ اپنے ناپاک کپڑوں میں نماز پڑھے گی یا وہ زمین پر اترنے تک صبر کرے اور کپڑے تبدیل کرکے نماز ادا کرے؟حالانکہ اسے یہ بھی یقین ہے کہ وہ نماز کا وقت گزر جانے کے بعد زمین پر اترے گی؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
اس عورت پر بروقت نماز ادا کرنا ہی لازم ہے اگرچہ اس کے کپڑے ناپاک ہیں کیونکہ وہ نجاست کو دھونے سے یا لباس تبدیل کرنے سے معذور ہے اور اس پر نماز کا اعادہ بھی واجب نہیں ہے۔کیونکہ اللہ تعالیٰ کا فرمان ہے:
﴿فَاتَّقُوا اللَّهَ مَا استَطَعتُم ... ﴿١٦﴾... سورةالتغابن
"سو اللہ سے ڈروجتنی تم طاقت رکھو۔"
نیز نبی کریم صلی اللہ علیہ وسلم کا یہ فرمان ہے:
"مَا نَهَيْتُكُمْ عَنْهُ فَاجْتَنِبُوهُ وَمَا أَمَرْتُكُمْ بِهِ فَافْعَلُوا مِنْهُ مَا اسْتَطَعْتُمْ"[1]
"جب میں تمھیں کسی کام کے کرنے کا حکم دوں تو اس کو حتی المقدور بجا لاؤ اور جب میں تم کو کسی چیز سے منع کروں تو اس سے بالکل باز آجاؤ۔"(سعودی فتویٰ کمیٹی)
[1] ۔صحیح البخاری رقم الحدیث(6858) صحیح مسلم رقم الحدیث(1337)
ھذا ما عندی والله اعلم بالصواب
ماخذ:مستند کتب فتاویٰ
