السلام عليكم ورحمة الله وبركاته
کیا عورت کے لیے شہر کی سڑکوں پر کار چلانا جائز ہے، جبکہ شہر بڑا ہو اور اس کا دوسرے مرد ڈرائیوروں اور عورتوں کے ساتھ اختلاط بھی ہوتا ہو؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
عورت کے لیے جائز نہیں ہے کہ شہروں کی سڑکوں پر کار چلائے، اور نہ ہی اس کے لیے یہ جائز ہے کہ دوسرے مرد ڈرائیوروں کے ساتھ گھلے ملے۔ کیونکہ اس میں اسے اپنا چہرہ یا اس کا کچھ حصہ بے حجاب کرنا پڑتا ہے اور غالبا کچھ بازو بھی عریاں ہو جاتے ہیں، جبکہ یہ اس کے لیے ستر اور قابل حجاب ہیں۔ اور اس لیے بھی کہ اس کا اجنبی مردوں کے ساتھ گھلنا ملنا فتنے اور فساد کو جنم دے سکتا ہے۔
ھذا ما عندي والله أعلم بالصواب
ماخذ:مستند کتب فتاویٰ
