السلام عليكم ورحمة الله وبركاته
کیا آدمی سونا خریدتا ہے، اور اس کے ذمے کچھ رقم باقی رہ جاتی ہے، اور وہ کہتا ہے، جب آسانی ہوئی تو دے جاؤں گا؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
یہ جائز نہیں ہے۔ جس قدر سونے کی اس نے قیمت ادا کر دی وہ صحیح ہے اور باقی جس کی قیمت ادا نہیں کی وہ باطل ہو گی۔ نبی صلی اللہ علیہ وسلم کا سونے چاندی کے بارے میں فرمان ہے: ’’جیسے چاہو بیچ لو جب ہاتھوں ہاتھوں نقد ہو۔‘‘(صحیح بخاری،کتاب البیوع،باب بیع الذھب بالذھب،حدیث:2175،وصحیح مسلم،کتاب المساقاۃ،باب الصرف وبیع الذھب بالورق نقدا،حدیث:1590۔سنن النسائی(4578)۔مسند احمد بن حنبل:320/5، حدیث:22779۔)
ھذا ما عندي والله أعلم بالصواب
