السلام عليكم ورحمة الله وبركاته
کوئی عورت اپنے محرم مرد کے بغیر اپنی کسی عزیز قریبی رشتہ دار عورت کے ساتھ حج کو جا سکتی ہے یا نہیں؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
صحیح بخاری ، صحیح مسلم اور دیگر کتب حدیث سے پتہ چلتا ہے عورت خاوند یا کسی محرم کی معیت کے بغیر سفر نہیں کر سکتی۔(صحیح بخاری کتاب جزاء الصید باب حج النساء) رہا مسئلہ دل کی تسلی والا تو اس سلسلہ میں «دَعْ مَا یُرِیْبُکَ اِلٰی مَا لاَ یُرِیْبُکَ»(مشکوۃ۔کتاب البیوع۔باب الکسب وطلب الحلال۔الفصل الثانی) ’’جو چیز آپ کو شک میں ڈالے اسے چھوڑ دے طرف اس چیز کی جو شک میں نہ ڈالے‘‘
فَـــــاقْــــدُرْ فِــــعَــــالَ نَـــبِــیّــــکـا
وَاتْــــرُکْ شِــــقَــــاقَ مَـــــقُـــوْلِـہٖ
وَانْبِـــذْ حَـــدِیْــــــثَ شُـــکُـــوْکِــکَا
حَـــیْـــــثُ الــــــرَدِّی لِـــفُـــضُــوْلِـہٖ
’’اپنے نبیﷺ کے افعال کی تعظیم کر۔ اور آپﷺ کے حکم کی مخالفت چھوڑ دے اور اپنے شک کی باتوں کو پھینک دے ردی کی جگہ پر۔کیونکہ وہ بے کار ہیں
ھذا ما عندي والله أعلم بالصواب
