السلام عليكم ورحمة الله وبركاته
کیا گھر میں کام کرنے والی نوکرانی کے لیے واجب ہے کہ وہ گھر کے مالک (مخدوم) سے پردہ کرے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
ہاں، نوکرانی کے لیے واجب ہے کہ اپنے مخدوم یعنی گھر کے مالک سے پردہ کرے، اور اس کے سامنے اپنی زیب و زینت اور سنگار ظاہر نہ کرے۔ اس کے لیے اس مالک کے ساتھ خلوت میں علیحدہ ہونا بھی حرام ہے۔ عمومی دلائل کا تقاضا یہی ہے۔ پردہ نہ کرنے اور اظہار زینت کا نتیجہ فتنے کی صورت میں ظاہر ہو سکتا ہے۔ اور ایسے ہی علیحدگی میں اس کے پاس آنا جانا اس بات کا سبب بن سکتا ہے کہ شیطان ان دونوں کے لیے فتنے کو خوبصورت بنا دے۔ اور مدد اللہ ہی سے ہے۔
ھذا ما عندي والله أعلم بالصواب
ماخذ:مستند کتب فتاویٰ
