السلام عليكم ورحمة الله وبركاته
کیا آدمی کے لیے جائز ہے کہ اپنی بیٹی یا بہن کو ملنے والے حق مہر سے کسی اور کی شادی کرے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
بیٹی یا بہن کو ملنے والا مہر اس (بیٹی یا بہن) کا اپنا ذاتی ملکیتی حق ہوتا ہے۔ اگر وہ سارے کا سارا یا اس میں سے کچھ اپنی خوشی اور شرعی اعتبار کے اختیار سے دے تو جائز ہے۔ اور اگر وہ نہیں دیتی تو لینا جائز نہیں ہے، نہ کم نہ زیادہ۔ البتہ باپ کے لیے ایک خصوصیت ہے کہ وہ اس میں سے اس قدر لے سکتا ہے کہ اسے نقصان نہ ہو، اور یہ بھی درست نہیں کہ وہ یہ لے کر کسی ایک بچے کو دے دے۔ رسول اللہ صلی اللہ علیہ وسلم کا یہ فرمان صحیح احادیث میں ثابت ہے کہ: ’’بہترین پاکیزہ مال جو تم کھاتے ہو وہی ہے جو تمہاری اپنی کمائی سے ہو، اور تمہاری اولاد تمہاری کمائی ہی ہے۔‘‘ (سنن الترمذی،کتاب الاحکام،باب ان الوالد یاخذ من مال ولدہ،حدیث:1358۔سنن ابن ماجہ،کتاب التجارات،باب ما للرجل من مال ولدہ،حدیث:2290ومسند احمد بن حنبل:2/179،حدیث:6678ومصنف ابن ابی شیبۃ:7/294،حدیث:36213۔)
ھذا ما عندي والله أعلم بالصواب
ماخذ:مستند کتب فتاویٰ
