السلام عليكم ورحمة الله وبركاته
کیا نفاس والی عورت کے لیے ضروری ہے کہ وہ اپنے ایام نفاس پورےہونے تک اپنے گھر ہی میں رہے اور باہر نہ جائے ۔؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
نفاس والی عورت کا حکم عام مسلمان عورتوں کا سا ہے۔ حسب ضرورت اسے گھر سے باہر جانے میں کوئی رکاوٹ نہیں ہے۔ لیکن اگر کوئی ضرورت نہ ہو تو تمام عورتوں کے لیے افضل یہی ہے کہ اپنے گھروں کے اندر ہی رہیں۔ اللہ عزوجل کا فرمان ہے:
﴿وَقَرنَ فى بُيوتِكُنَّ وَلا تَبَرَّجنَ تَبَرُّجَ الجـٰهِلِيَّةِ الأولىٰ...﴿٣٣﴾... سورةالأحزاب
’’اور اپنے گھروں کے اندر ٹکی رہو اور پہلی جاہلیت کے سے انداز میں اپنی زینت کا اظہار مت کرتی پھرو۔‘‘
ھذا ما عندي والله أعلم بالصواب
ماخذ:مستند کتب فتاویٰ
