السلام عليكم ورحمة الله وبركاته
اگر مریض کے جسم پر کوئی نجاست لگی ہو تو کیا وہ اس کے لیے تیمم کر سکتا ہے؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
وہ اس کے لیے تیمم نہیں کرسکتا۔ مریض کے لیے اگر ممکن ہو کہ وہ اس نجاست کو دھو سکتا ہے تو دھو لے، ورنہ اسی حالت میں بغیر تیمم کے نماز پڑھے، کیونکہ نجاست کے دور کرنے میں تیمم کا کوئی اثر نہیں ہے۔ بلکہ مطلوب یہ ہے کہ جسم نجاست سے صاف ہو، تو اگر اس کے لیے تیمم کرے گا تو اس سے نجاست زائل نہ ہو گی، نیز یہ بھی ہے کہ تیمم ازالہ نجاست کے لیے شروع نہیں کیا گیا ہے۔ اور عبادات کی بنیاد سراسر اتباع (کتاب و سنت) ہی پر ہے۔
ھذا ما عندي والله أعلم بالصواب
ماخذ:مستند کتب فتاویٰ
