میں نکاح خواں ہوں۔کچھ اہل علم سے یہ سناہے کہ خاوند اور بیوی میں سے کوئی بے نماز ہوتوان کا عقد نکاح باطل ہے اور ان کا نکاح کرناصحیح نہیں کیا یہ بات صحیح ہے؟
جب مجھ سے ایسانکاح کرنے کا مطالبہ کیا جائے تو مجھے کیاکرنا چاہیے ؟اس کے متعلق فتوے سے نوازیں،اللہ تعالیٰ آپ کو اجر عطا فرمائے۔جب آپ کے علم میں ہوکہ دونوں میں سے ایک بے نماز ہے تو آپ نکاح نہ پڑھائیں۔اس لیے کہ نماز ترک کرنا کفر ہے۔جس کی دلیل مندرجہ ذیل حدیث ہے:
"کفر وشرک اور(مسلمان ) بندے کے درمیان فرق نماز کا چھوڑ دیناہے۔" مسلم (82)کتاب الایمان :باب بیان اطلاق اسم الکفر علی من ترک الصلاۃ احمد(3/37) دارمی (1/280) ابوداود(4678) کتاب الصلاۃ باب فی رد الارجاء ترمذی(2618) ابن ماجہ(1078) الحلیۃ لابن نعیم(8/256) بیہقی(3/366)
ایک دوسرے مقام پر آپ صلی اللہ علیہ وسلم نے فرمایا کہ:
"بندے اور کفر ایمان کے درمیان(فرق کرنے والی) نماز ہےپس جب اس نے اسے ترک کردیا تو اس نے شرک کیا۔"( صحیح :شرح اصول اعتقاد اھل السنہ والجماعۃ للالکائی(4/822) اس کی سند صحیح مسلم کی شرط پر صحیح ہے نیز امام منذری رحمۃ اللہ علیہ نے بھی اسے صحیح کہا ہے۔(الترغیب والترھیب(1/379)
ہم اللہ تعالیٰ سے دعا گو ہیں کہ وہ مسلمانوں کی اصلاح فرمائے اور ان میں سے گمراہ لوگوں کو ہدایت نصیب فرمائے۔یقیناً اللہ تعالیٰ سننےوالا اور قریب ہے۔(شیخ ابن باز رحمۃ اللہ علیہ )ماخذ:مستند کتب فتاویٰ
