السلام عليكم ورحمة الله وبركاته
کیا جنبی مرد یا حائضہ عورت قرآن کو پکڑ سکتی ہے اور پڑھ سکتی ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
زبانی پڑھ سکتے ہیں ہاتھ نہیں لگا سکتے نہ ہی چھو سکتے ہیں ۔
سنن دارمی(۸۴/۲) (بَابٌ لاَ طَلاَقَ قَبْلَ نِکَاحٍ) میں رسول اللہﷺ کا فرمان ہے:
«لاَ یَمَسُّ الْقُرْآنَ إِلاَّ طَاہِرٌ»
ترجمہ: ’’نہ چھووے قرآن کو مگر پاک‘‘
قرآن مجید کی آیت:
﴿وَإِنْ کُنْتُمْ جُنُبًا فَاطَّہَّرُوْا﴾
ترجمہ : ’’اور اگرتم ناپاک ہو تو پاکی حاصل کرو‘‘ سے ثابت ہوتا ہے جنبی طاہر نہیں ورنہ اسے ’’فَاطَّہَّرُوْا‘‘ کا حکم نہ ہوتا اور جو طاہر نہیں وہ رسول اللہﷺ کے مندرجہ بالا فرمان کی رو سے قرآن مجید کو چھو نہیں سکتا تو پکڑ بھی نہیں سکتا اور معلوم ہے کہ حائضہ بھی طاہر نہیں کیونکہ اطہار وتطہر کا جنبی کی طرح اس کو بھی حکم ہے۔
ھذا ما عندي والله أعلم بالصواب
