کچھ لوگ کہتے ہیں کہ قیامت کے دن لوگوں کو ماں کے نام کے ساتھ پکارا جائے گا ، جبکہ کچھ کہتے ہیں کہ باپ کےنام سے پکارا جائے گا، شریعت کی رو سے کونسا صحیح ہے۔؟

الجواب بعون الوهاب بشرط صحة السؤال

ماں کے نام کے ساتھ پکارے جانے والی بات سراسر غلط اور جھوٹ ہے۔لوگوں کو قیامت کے دن باپوں کے نام سے ہی پکارا جائے گا۔امام بخاری رحمہ اللہ نے(باب ما یدعى الناس بآبائہم) کے تحت ایک حدیث بیان کی ہے کہ سیدنا عبد اللہ بن عمر رضی اللہ عنہ فرماتے ہیں کہ نبی کریمﷺ نے فرمایا:

إِنَّ الْغَادِرَ يُرْفَعُ لَهُ لِوَاءٌ يَوْمَ الْقِيَامَةِ يُقَالُ هَذِهِ غَدْرَةُ فُلَانِ بْنِ فُلَانٍ(بخاری:6177)

قیامت کے دن دغا باز کی سرین پر جھنڈا لگایا جائے گا جس پر لکھا ہوگا کہ اس نے فلاں بن فلاں سے غدر کیا تھا۔

اس حدیث مبارکہ سے معلوم ہوتا ہے کہ لوگوں کو ان کے باپوں کے نا م سے پکارا جائے گا۔

فتویٰ کمیٹی

محدث فتویٰ