السلام عليكم ورحمة الله وبركاته
کسی شخصیت کے فوت ہو جانے پر جو مختلف مقامات پر تعزیتی اجلاس منعقد ہونے ہیں جان میں موحوم کو خراج عقیدت پیش کیا جاتا ہے، شرعی طور پر اس کا کیا حکم ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
زمانہ زخیرالقرون میں تو ایسے تعزیتی اجلاسوں اور تعزیتی قراردادوں کا کوئی ثبوت میسر نہیں۔ اور نہ اس دور میں موجود مواصلاتی ذرائع ہی موجود تھے۔ اس لئے سیاسی اور خوشامدی بنیادوں سے ہٹ کر اگر تعزیتی اجلاس اور تعزیتی قرارداد پاس کر لی جائے تو اس میں بظاہر کوئی قباحت نظر نہیں آتی۔ بشرطیکہ مرنے والے کی خوبیوں اور کارناموں کو مرچ نمک لگا کر پیش نہ کیا جائے۔ ورنہ نعی ممنوعہ کے ارتکاب کا خطرہ خارج ازامکان نہ ہوگا۔ اور اجلاس مہینوں سالوں تک جاری رکھنے کا کوئی جواز نہیں۔
ھذا ما عندي واللہ أعلم بالصواب
ماخذ:مستند کتب فتاویٰ
