السلام عليكم ورحمة الله وبركاته
جس كی ڈاڑھی کتری ہوئی ہو۔ اس کے پیچھے نماز پڑھنی منع ہے یا جائز ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
جس کی ڈاڑھی مٹھی سے اندر کتری ہو وہ فاسق ہے اس کو امام بنانا جائز نہیں کیونکہ حدیث میں ہے (اجعلوا ائمتکم خیارکم)’’یعنی امام بہتر لوگوں کو بنایا کرو‘‘ ایک شخص کو رسول اللہ ﷺ نے نماز میں قبلہ کی طرف تھوکنے پر امامت سے معزول کردیا تھا۔ ہاں ایسے لوگ زبردستی امام بن جائیں اور اتفاقیہ ان کے پیچھے نماز پڑھنے کا موقعہ ہوجائے تو ہوجاتی ہے۔
ھذا ما عندي والله أعلم بالصواب
