سرچ انجن کی نوعیت:

تلاش کی نوعیت:

تلاش کی جگہ:

(480) معذور شخص کے متعلق حکم جو احرام نہ باندھ سکتا ہو

  • 1318
  • تاریخ اشاعت : 2012-06-27
  • مشاہدات : 554

سوال

السلام عليكم ورحمة الله وبركاته

ایسا معذور شخص جو احرام کے کپڑے نہ پہن سکتا ہو، وہ کیا کرے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد! 

جب انسان احرام کے کپڑے نہ پہن سکتا ہو تو وہ کوئی دوسرا ایسا لباس پہن لے جسے وہ پہن سکتا ہو  اہل علم کے نزدیک اس صورت میں اس کے لیے واجب ہے کہ ایک بکری ذبح کر کے مکہ کے فقرا میں تقسیم کر دے، یا چھ مسکینوں کو نصف صاع فی کس کے حساب سے کھانا کھلا دے یا تین روزے رکھ لے۔ اس مسئلہ میں اہل علم کا یہی قول ہے اور یہ سر کے بال منڈانے کے مسئلہ پر قیاس کی بنیاد پر ہے کہ اس کے بارے میں ارشاد باری تعالیٰ ہے:

﴿فَمَن كانَ مِنكُم مَريضًا أَو بِهِ أَذًى مِن رَأسِهِ فَفِديَةٌ مِن صِيامٍ أَو صَدَقَةٍ أَو نُسُكٍ...﴿١٩٦﴾... سورة البقرة

’’اور اگر کوئی تم میں بیمار ہو یا اس کے سر میں کسی طرح کی تکلیف ہو، پھر اگر وہ سر منڈا لے تو اس کے بدلے روزے رکھے یا صدقہ دے یا قربانی کرے۔‘‘

روزے اور صدقے کی نبی اکرم صلی اللہ علیہ وسلم  نے وہی تفصیل بیان فرمائی ہے جو ہم نے قبل ازیں ذکر کی ہے۔

وباللہ التوفیق

 

فتاویٰ ارکان اسلام

حج کےمسائل:صفحہ424

 

ماخذ:مستند کتب فتاویٰ