السلام عليكم ورحمة الله وبركاته
کیافرماتے ہیں علما ئے دین اس مسئلہ میں کہ حرام جانوروں کے اعضائے بدن انسانی جسم کو لگائے جا سکتے ہیں یا نہیں ؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
حرام جا نو روں کے اعضاء کی انسانی بدن میں پیوندکاری ناجائز ہے چنانچہ حدیث میں ہے حضرت ابوداؤد رضی اللہ تعالیٰ عنہ سے روایت ہے ۔
«قال رسول الله صلي الله عليه وسلم;«ان الله انزل الداء والدواء وجعل لكل داء دواء فتداووا ولا تداووا بحرام» ضعفه اللباني ابو دائود كتاب الطب باب في الادوية المكروهة (٣٨٧٤)
"رسول اللہ صلی اللہ علیہ وسلم نے فرمایا :تحقیق اللہ نے بیماری اور علاج نازل کیا ہے ہر بیماری کاعلاج ہے پس دواکرواور حرام کے ساتھ دوانہ کرو۔"
اس روایت سے معلوم ہوا کسی بھی حرام شئی کو بطور علاج معالجہ استعمال کرنا حرام ہے مزید آنکہ قرآن مجید میں نبی کریم صلی اللہ علیہ وسلم کے اوصاف حمیدہ میں مصرح ہے ۔
﴿وَيُحِلُّ لَهُمُ الطَّيِّبـٰتِ وَيُحَرِّمُ عَلَيهِمُ الخَبـٰئِثَ... ١٥٧﴾... سورة الاعراف
"اورپاک چیزوں کوان کے لیے حلال کرتے ہیں اور ناپاک چیزوں کوان پر حرام ٹھہراتے ۔"لہذاحرام چیزوں کے اجزائے بد ن کوانسانی طاہر میں کسی صورت استعمال کی اجازت نہیں ۔
ھذا ما عندي واللہ اعلم بالصواب
