سرچ انجن کی نوعیت:

تلاش کی نوعیت:

تلاش کی جگہ:

(461) اوقات حج سے پہلے احرام باندھنے کے بارے میں حکم

  • 1299
  • تاریخ اشاعت : 2012-06-27
  • مشاہدات : 833

سوال

السلام عليكم ورحمة الله وبركاته

ان زمانی اوقات کے شروع ہونے سے پہلے حج کا احرام باندھنے کے بارے میں کیا حکم ہے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد! 

 علماء کا حج کے مہینے شروع ہونے سے پہلے حج کا احرام باندھنے کے بارے میں اختلاف ہے۔ بعض علماء نے کہا ہے کہ حج کے مہینے شروع ہونے سے پہلے حج کا احرام باندھنا صحیح نہیں ہے۔ اگر احرام باندھا گیا، تو یہ عمرے کا احرام ہو جائے گا کیونکہ عمرہ کے بارے میں جیسا کہ نبی صلی اللہ علیہ وسلم  نے فرمایا ہے:

«دَخَلَتْ فِی الْحَجِّ» صحيح مسلم، الحج، باب جواز العمرة فی اشهر الحج، ح: ۱۲۴۱۔

’’حج میں داخل ہوگیا ہے۔‘‘

اور نبی صلی اللہ علیہ وسلم  نے عمرے کا نام حج اصغر رکھا ہے جیسا کہ حضرت عمرو بن حزم رضی اللہ عنہ  کی مرسل اور مشہور روایت میں ہے- سنن الدار قطنی: ۲/ ۲۸۵۔

جسے لوگوں نے قبولیت سے نوازا ہے۔

وباللہ التوفیق

 

فتاویٰ ارکان اسلام

حج کےمسائل:صفحہ414

 

ماخذ:مستند کتب فتاویٰ