السلام عليكم ورحمة الله وبركاته
جب بیٹا اپنے باپ کی طرف سے عمرہ ادا کر رہا ہو تو کیا اس کے لیے اپنے لیے دعا کرنا جائز ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
اس کے لیے یہ جائز ہے کہ وہ اس عمرے میں اپنے لیے اپنے باپ کے لیے اور جن مسلمانوں کے لیے چاہے دعا کر سکتا ہے کیونکہ مقصود تو یہ ہے کہ وہ اسی آدمی کی طرف سے اعمال عمرہ ادا کرے جس کا اس نے ارادہ کیا ہے۔ دعا کرنا عمرے کا رکن یا شرط نہیں ہے، لہٰذا اس کے لیے جائز ہے کہ وہ اپنے لیے جس کی طرف سے عمرہ ادا کر رہا ہو اس کے لیے اور دیگر تمام مسلمانوں کے لیے دعا کرے۔
ھذا ما عندي والله أعلم بالصواب
