جب امام جماعت کروا رہا ہوپہلی صف مکمل ہوچکی ہو تو کیاآخری صف میں اکیلا آدمی کھڑا ہوسکتا ہے۔؟

الجواب بعون الوهاب بشرط صحة السؤال

نماز نبوی طبع دارا السلام صفحہ 129 ،130 پر ڈاکٹر شفیق الرحمن حفظہ اﷲ تعالیٰ رقم طراز ہیں:

اگر صف میں جگہ ہے تو پیچھے اکیلے آدمی کی نماز نہیں ہو تی اور اگر صف میں جگہ نہیں ہے تو یہ اضطراری کیفیت ہو گی ایسی صورت میں اکیلے ہی کھڑے ہوجانا چاہئے نماز ہوجائے گی کیونکہ اگلی صف میں سے کسی مقتدی کو کھینچنا کسی صحیح حدیث سے ثابت نہیں ہے۔ امام مالک ، امام احمد ، امام اوزاعی ، امام اسحاق اور امام ابو دائود کا یہی مذہب ہے کہ صف سے آدمی نہ کھینچا جائے ، البتہ ایک امام اور ایک مقتدی والے مسئلہ پر قیاس کر کے جواز ملتا ہے یعنی جب دو شخص جماعت کروا رہے ہوں تو تیسرا بعد میں آنیوالا مقتدی کو کھینچ کر پیچھے اس کے ساتھ صف بنا لے گا۔

لہٰذا اگر اگلی صف مکمل ہے تو پیچھے اکیلے نماز (مجبور ی کی وجہ سے ) ہوجائے گی۔ اور اگر اگلی صف سے کسی کو کھینچ کر پیچھے کھڑا کر لیا تو دو آدمیوں پر قیاس کرنے کیوجہ سے یہ بھی درست ہو گا، نماز ہوجائے گی۔

فتوی کمیٹی

محدث فتوی