اگر امام بیٹھ کر نماز پڑھائے تو مقتدی کو کھڑے ہو کر نماز پڑھنی چاہئے یا کھڑے ہو کر ۔؟

الجواب بعون الوهاب بشرط صحة السؤال

یہ مسئلہ اہل علم کے ہاں مختلف فیہ ہے۔

1۔بعض کہتے ہیں کہ امام کے ساتھ ساتھ مقتدی کو بھی بیٹھ کر نماز ادا کرنی چاہئے،ان کی دلیل بخاری مسلم کی وہ حدیث جس میں نبی کریم نے فرمایا:

وإذا صلى جالساً فصلوا جلوساً أجمعون

اور جب امام بیٹھ کر نماز پڑھے تو تم سب بھی بیٹھ کر نماز پڑھو۔

2۔بعض کہتے ہیں کہ مقتدی کھڑے ہو کر ہی نماز ادا کریں گے،ان کی دلیل نبی کریم کا وہ عمل ہے کہ آپ نے مرض الموت میں بیٹھ کر نماز پڑھائی اور صحابہ کرام نے پیچھے کھڑے ہو کر نماز ادا کی۔

اس سے ثابت ہوتا ہے کہ یہ دونوں عمل ہی درست ہیں۔بعض اہل علم نے ان دونوں روایات میں کچھ یوں جمع کی ہے کہ اگر امام مستقل بیٹھ کر نماز پڑھاتا ہو تو مقتدی کھڑے ہو کر نماز پڑھیں اور اگر وہ کسی عارضے کی بناء عارضی طور پر بیٹھ گیا ہو تو مقتدی بھی بیٹھ جائیں۔

فتوی کمیٹی

محدث فتوی