السلام عليكم ورحمة الله وبركاته
قرآن کریم میں مختلف مقامات پرسجدہ تلاوت کرنے کاحکم دیا گیا ہے آیت سجدہ میں کوئی مخصوص لفظ ہوتا ہے جس کی وجہ سے سجدہ کرنے کا حکم ہے یااورکوئی وجہ ہوتی ہے؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
قرآن کریم میں جن آیات کی تلاوت پرسجدہ کرنے کاحکم ہے وہاں کوئی ایسا مفہوم ضرور ہے جسے سجدہ سے مناسبت ہوتی ہے لیکن یہ ضروری نہیں ہے کہ جہاں بھی سجدہ وغیرہ کاذکر ہووہاں سجدہ تلاوت کرناضروری ہو، جیسا کہ سورۂ یوسف میں گیارہ ستاروں اورشمس وقمر کے سجدہ کرنے کاذکر ہے لیکن وہاں سجدہ تلاوت کاحکم نہیں ہے ۔بہرحال جن مقاما ت پرسجدہ کرنے کاحکم ہے وہ رسول اللہ صلی اللہ علیہ وسلم سے ثابت شدہ ہیں ہمیں وہاں سجدہ تلاوت کرناچاہیے ۔اس سجدہ کی مناسبت ہماری سمجھ میں آئے یا نہ آئے۔اس کے متعلق ہمیں دماغ سوزی کرنے کی ضرورت نہیں ہے ۔ [واللہ اعلم ]
ھذا ما عندي والله أعلم بالصواب
ماخذ:مستند کتب فتاویٰ
