السلام عليكم ورحمة الله وبركاته
کیا حالت جنابت میں سونا جائز ہے ؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
حالت جنابت میں سونا جائز ہے لیکن بہتر اور افضل یہ ہےکہ انسان استنجاء اور نماز کے وضو کی طرح وضو کر کے سوئے کیوکہ محدثین کرام کی ایک جماعت نے حضرت عائشہ رضی اللہ عنہا کی روایت کو بیان کیا ہے کہ انہوں نے فرمایا :
كَانَ النَّبِيُّ صَلَّى اللهُ عَلَيْهِ وَسَلَّمَ «إِذَا أَرَادَ أَنْ يَنَامَ، وَهُوَ جُنُبٌ، غَسَلَ فَرْجَهُ، وَتَوَضَّأَ لِلصَّلاَةِ»
(صحيح البخاري الغسل باب الجنب يتوضا ثم ينام ح 288 وصحيح مسلم الحيض باب جوا ز نوم الجنب واستحباب الوضوء له وغسل الفرج ----الخ ح 305)
’’نبی ﷺ جب حالت جنابت میں سونے کا رادہ فرماتے تو استنجا ء اور نمازکے وضو کی طرح فرما لیتے تھے ۔‘‘
ھذا ما عندی واللہ اعلم بالصواب