السلام عليكم ورحمة الله وبركاته
کیا بیماری سے گناہ مٹ جاتےہیں ۔؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
حدیث سے ثابت ہے کہ رسول اللہ ﷺ نے فرمایا ہے کہ بیماریوں کے ساتھ اللہ تعالی گناہوں کو مٹا دیتی ہے ۔ نبی ﷺ نے فرمایا ہے :
((مَا يصيب المسلم من نَصَب ولا وَصَب ولا همٍّ ولا حَزَن ولا أذًى ولا غمٍّ، حتى الشوكة يشاكها، إلا كفرّ الله بها من خطاياه)) (صحیح البخاری ، المرضی ،باب ماجاء فی کفارة المرض ، ح : 5641 ،5642 وصحیح مسلم ، البر والصلة ، باب ثواب المؤمن فیما یصیبه من مرض او حزن ۔۔۔۔الخ ، ح : 2573)
’’مسلمان کو جب بھی کوئی بریشانی ، غم ، رنج ، تکلیف اور دکھ پہنچتا ہے حتی کہ اسے کانٹا بھی چبھتا ہے تو اللہ تعالی اس کے ساتھ گناہوں کو مٹا دیتا ہے ۔‘‘
اور بیماری تو بڑی مصیبت ہے اللہ جل وعلا اس کے ساتھ یقینا گناہوں کو مٹا دیتا ہے ۔
ھذا ما عندی واللہ اعلم بالصواب