السلام عليكم ورحمة الله وبركاته
کیا یہ جائز ہے کہ گھروں یاباغوں میں بغض پرندوں کو پنجروں میں بند کر کے ڈیکوریشن کے لیے استعمال کیا جائے ؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
اس میں کوئی حرج نہیں بشرطیکہ ان پرندوں کا رکھنے والا ان کے کھانے پینے کامناسب انتظام کرے کیونکہ نبی اکرم ﷺ نے فرمایا ہے:
«دَخَلَتِ امْرَأَةٌ النَّارَ فِي هِرَّةٍ رَبَطَتْهَا، فَلَمْ تُطْعِمْهَا، وَلَمْ تَدَعْهَا تَأْكُلُ مِنْ خَشَاشِ الأَرْضِ» (صحيح البخاري، المساقاة ، باب فضل سقی الماء ، ح :2365 وصحیح مسلم ، السلام ،باب تحریم قتل الهرة ، ح : 2243 وللفظ له )
’’ایک عورت کو جہنم میں ایک بلی کی وجہ سے عذاب دیا جائے گا ۔جسے اس نے نہ تو خود کھلایا پلایا اوراسے چھوڑا تاکہ وہ زمین سےگھاس پھوس کو کھالیتی۔‘‘
اس حدیث سے معلوم ہوا کہ بلی کو بندکرنے کے ساتھ ساتھ اگر وہ اسے کھلاتی پلاتی تو اسےعذاب نہ ہوتا۔
ھذا ما عندي واللہ أعلم بالصواب
ماخذ:مستند کتب فتاویٰ
