السلام عليكم ورحمة الله وبركاته
داڑھی منڈوانے کے بارےمیں کیا حکم ہے ؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
" أَعْفُوا اللِّحَى، وَحُفُّوا الشَّوَارِبَ " (مسند احمد 52-2)
’’داڑھیاں بڑھاؤ اور مونچھیں کٹاؤ۔‘‘
اور آپ نے مونچھیں کٹوانے اور داڑھی بڑھانے کو اس امور میں سے شمار کیا ہے ، جن کا تعلق فطرت سے ہے ۔ خود نبی کریم ﷺ کی داڑھی مبارک بھی گھنی تھی اور اللہ تعالی نے ذکر فرمایا ہے کہ حضرت ہارون علیہ السلام نے حضرت موسی علیہ السلام سے کہا تھا:
﴿قالَ يَبنَؤُمَّ لا تَأخُذ بِلِحيَتى وَلا بِرَأسى... ﴿٩٤﴾... سورةطه
’’بھائی میری داڑھی اور سر ( کے بالوں ) کو نہ پکڑئیے ۔‘‘
داڑھی سےمراد وہ بال ہیں ، جو دونوں جبڑوں اورٹھوڑی پر اگتے ہیں ۔ دونوں جبڑوں سے مراد نیچے کے دانتوں کے اگنے کی جگہ ہے اور ٹھوڑی اس جگہ کو کہتے ہیں ، جہاں جونوں جبڑے مل جاتے ہیں ۔ تو داڑھی کے بارے میں یہ صحیح احکام موجود ہیں ، تو ہر مسلما ن کے لیے یہ واجب ہے کہ وہ اللہ تعالی اور اس کے رسول ﷺ کی اطاعت کرے اور اطاعت اس صورت میں ہوسکتی ہے کہ احکام کی پیروی کی جائے ۔ جو شخص داڑھی کو منڈواتا ہے تو نبی ﷺ کےان ارشادات ’’اعفواللحی ، اوفوا اللحی ، وفروا اللحی اور ارخوا اللحی ‘‘ جن میں داڑھی بڑھانے کا حکم دیا گیا ہے ، کی مخالفت کرتا ہے۔ داڑھی منڈوانے یا کٹوانے والے کی اطعت رسولﷺ میں خلل ہے اور وہ معصیت میں مبتلا ہے لہذا اسے توبہ ارو ندامت کا اظہار کرنا چاہیے اور جو شخص توبہ کرے ، اللہ تعالی اس کی توبہ کو قبول فرمالیتا ہے۔
ھذا ما عندي واللہ أعلم بالصواب
