سرچ انجن کی نوعیت:

تلاش کی نوعیت:

تلاش کی جگہ:

(328) کپڑا لٹکانے کے حدود

  • 10699
  • تاریخ اشاعت : 2024-03-28
  • مشاہدات : 982

سوال

السلام عليكم ورحمة الله وبركاته

کپڑا لٹکانے کے کیا حدود ہیں اور کپڑے لٹکانے کی آخر حد کہاں تک ہے؟


الجواب بعون الوهاب بشرط صحة السؤال

وعلیکم السلام ورحمة اللہ وبرکاته!

الحمد لله، والصلاة والسلام علىٰ رسول الله، أما بعد!

مردوں کے لیے کپڑا لٹکانا حرام ہے اور جو شخص باز نہ آئے اسے تعزیری  سزا دی جائے گی ۔مومن  کا تہ بند  نصف  پنڈلیوں تک ہوتا ہے۔ کپڑا اگر پنڈلیوں  اور ٹخنوں  کے درمیان ہو تو جائز ہے'البتہ  ٹضنوں کے نیچے ہو تو حرام ہے۔ایسا کرنےوالے کو  دنیا میں تعزیری  سزا  اور آخرت میں عذاب  ہوگا کیونکہ امام بخاری اور امام مسلم  ؒ نے حدیث بیان کی ہے کہ نبی ﷺ نے فرمایا ہے:

((مااسفل منالكعبين من الازار  فهو  في النار)) (صحيح البخاري ‘اللباس‘باب مااسفل منالكعبين من الازار  فهو  في النار‘ ح:٥٧٨٧)

’’جو تہ بند ٹخنوں سے نیچے ہوگا وہ جہنم کی آگ میں ہوگا۔‘‘

(نیز دیگر بہت سی صحیح احادیث  سے بھی یہ ثابت  ہے۔)

ھذا ما عندي واللہ أعلم بالصواب

فتاویٰ اسلامیہ

ج4ص255

محدث فتویٰ

ماخذ:مستند کتب فتاویٰ