السلام عليكم ورحمة الله وبركاته
نماز ضحیٰ کا وقت کب شروع ہوتا ہے؟
نمازشفع و وتر کا وقت کب سے شروع ہوتا ہے؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
نماز ضحیٰ کا وقت اس وقت شروع ہوتا ہے جب سورج ایک نیزہ کے برابر بلند ہوجائے اور ظہر سے قبل زوال تھوڑی دیر پہلے یعنی قریباً نصف گھنٹہ تک رہتا ہے اور افضل وقت ضحیٰ کا نصف وقت ہے جس وقت اونٹ کے بچوں کے پاؤں جلنا شروع ہوجاتے ہیں۔یعنی گرمی کی شدت میں اضافہ شروع ہوجاتا ہے۔
وتر کا وقت عشاء کے بعد سے لے کر طلوع صبح سے پہلے تک ہے۔ اس کا افضل وقت رات کا آخری حصہ ہے۔اس کے لئے جسے اس وقت اٹھنے کا اعتماد ہو۔اور اگر اسے خدشہ ہو ہ وہ نیند کے غلبہ کی وجہ سے نہیں اٹھ سکےگا تو و ہ سونے سے پہلے پڑھ لے۔
ھذا ما عندی واللہ اعلم بالصواب