سرچ انجن کی نوعیت:

تلاش کی نوعیت:

تلاش کی جگہ:

Islami    Sawalat


Allah tala ne Nabi kareem SAW per deen ko mukammal kr diya. Ap k bad deen me kisi kism ki kami beshi nhi ho sakti. Deen qayamat tk wahi baqi rhy ga jo Wahi ki surat me nabi kareem saw per nazil huwa. Kekin Ijtehad ka darwaza hamesha k liye khula hai. Matlab yea k halat o zamana ki tabdilion k sath Deen kbhi tabdeel nhi ho skta albatta Fatwa me tabdili waqae ho sakti hai. Halat o zamana ki tabdili k sath Logon k bohat se Deen se mutalliq ISLAMI SAWALAT janam lety rehty hen In me se Koch sawalat wo hoty hen jin ka hall brah e rast shariyat me mojud hota hai jb k kuch sawalat wo hotay hen jo zamana oar halaat ki tabdili ki waja se peda hotay hen esay sawalon ka jwabat shariyat ki hi ata karda tafseelat me talash kiya jata hai or ijtihad se kam liya jata hai. Qk halat or zamana ki badalny se shariyat k baz ahkamat k mutalbay me narmi waqae ho jati hai. Khud nabi kareem saw ne ek he tarha k sawal me 2 alag jawabat diye hen. Ek burhay adme ne sawal kiya k kia me rozay ki halat me apni biwi ko bos o kinar kr skta hun? To ap ne unko Ijazat dy di. Jb k ek nojwan ne yahi sawal pucha to ap ne usko ijazat nhi di. Oar nabi kareem saw k in jawabat me hikmat yae hai k burha admi khud per control rkhny per qadir hota hai jb k nojwan admi k liye control krna bohat mushkil hota hai oar mumkin hai k wo rozay ki halat me wo kam kr bethy jis ki shariyat ne ijazat nhi di. Is liye ek Mufti se jb log ISLAMI SAWALAT daryaft kren to usko shariyat ki tamam tafsilat ko samny rkhty huwy jawab dena chahye. Jin ISLAMI SAWALAT ka shariyat me barah e rast jawab na mil raha ho us me mufti ko chahye k wo qayas se kam ly. Misal k tor pe chars or afeuen ko tamam ulama haram kehtay hen jb k agar shariyat ka jaiza liya jaye to sharab ki hurmat ka hukam to milta hai lekin chars ki hurmat pe bazahir koi hukam nazar nhi ata. Is liye chars ko sharab per qayas krty huwy is ko b haram kaha jaega k jis illat ki waja se sharab ko haram kiya gya hai yani nashay ki waja se wahi illat chars me bhi mojud hai. Is liye ek mufti ki shariyat k akhmat per nazar honi chahye sath usko shariyat ki narmi or rukhusaton ko bhi pesh e nazar rkhana chahye. Jis chiz ko shariyat ne haram kiya hai usko haram he smjha jaye or jin chizon me shariyat ne narmi rkhi hai mufti ko chahye un chizon me bila waja sakhti se kam na lay. Lekin is ka ye matlab hargiz nhi hai k insan hr wakt shariyat ki rukhston he ko talash krta rahy shariyat ek pura pkg hai us ko usi tra qabool krna chahye.