السلام عليكم ورحمة الله وبركاته
ایک شخص کو واسطے چاندی خریدنے کے روپیہ دیا گیا بعد وہ اس شخص نے دہلی سے واپس آکر یہ بیان دیا کہ چاندی میں نے کچھ اپنے واسطے خرید کی تھی اور کچھ چاندی دوسرےشخص کے واسطے خریدی تھی وہ بھول میں کسی جگہ گم ہو گئی ، اس صورت میں اس چاندی کے روپے مطابق شرع کے لینے چاہیئں یا نہیں ؟
(صوفی عبداللہ متہھم مدرسہ اہلحدیث از قصبہ ٹانڈہ بادلی)
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
جس کو روپیہ دیا تھا وکیل بنا کر دیا تھا یا بطور بیع سلم دیا تھا وکیل بنانے کا مطلب یہ ہے کہ جس بھاؤ سے چاندی اس کو ملے ، وہ مالک کی ہوگی ، اس میں نفع و نقصان کا سارا ذمہ مالک پر ہو گا یہ صورت ہے تو نقصان کا عوض اس پر واجب الادانہ ہوگا ، اور بطور بیع سلم دینے کا مطلب یہ ہے کہ خرید کر دہ چاندی اس شخص کی ہے ، روپے والا اس سے بھاؤ کر کے لے گا ، یعنی دہلی میں مشتری تھا تو یہاں بائع ایسی صورت میں نقصان اس کا ہے ، روپیہ دینے والے کا نہیں۔
ھذا ما عندي والله أعلم بالصواب
ماخذ:مستند کتب فتاویٰ
