السلام عليكم ورحمة الله وبركاته
رکوع میں ملتے سے رکعت ہوتی ہے یا نہیں؟
وعلیکم السلام ورحمة اللہ وبرکاته
الحمد لله، والصلاة والسلام علىٰ رسول الله، أما بعد!
اختلافی ہے۔ دوبارہ پڑھنی اچھی سمجھتا ہوں۔ (10شعبان 1364ہجری) صرف اچھی ہی نہیں سورہ فاتحہ مقتدی کو بھی پڑھنی فرض ہے۔ اورایسے ہی قیام فر ض ہے۔ پس جب دو رکن فوت ہوگئے۔ تو رکعت قطعا نہ ہوگی۔ (ابو سعید شرف الدین دہلوی)
از مولانا مفتی ثناء اللہ قدیم الایام ہے یہ مسئلہ اختلافیہ چلا آرہا ہے۔ خاکسار رکوع میں مل کر رکعت دہرالیا کرتا ہے۔ کوینکہ دو رکن قیام او ر قرات فاتحہ کے فوت ہو جانے سے شک ہوتا ہے۔ کہ رکعت نہیں ہوگی۔ جس قوی دلیل سے ان دو کاموں کی رکنیت ثابت ہے۔ اس قوت سے رکوع میں رکعت کا پورا ہونا ثابت نہیں۔ کسی کے پاس ثبوت ہو ں تو اطلاع دیں۔ مگر یہ یاد رہے ہ ان دو رکنوں کے ثبوت میں قرآن مجید بھی ہے۔ (11 جمادی الثانی 35 ہجری)
شک نہیں کرنا چاہیے قطعا رکعت نہیں ہوتی۔ اس لئے کہ دو فرض قیام ورکن فوت ہوجاتے ہیں۔ (ابوسعید شرف الدین دہلوی)
ھذا ما عندي والله أعلم بالصواب
ماخذ:مستند کتب فتاویٰ
