| السلام عليكم ورحمة الله وبركاته
سوال یہ ہے کہ میرے پاجامےمیں مگرمچھ کی تصویر بنی ہوئی ہے، کیا اس صورت میں وہ پہن کر نماز پڑھنا درست ہے اگر نہیں تو کیوں نہیں ۔؟ الجواب بعون الوهاب بشرط صحة السؤالوعلیکم السلام ورحمة اللہ وبرکاته الحمد لله، والصلاة والسلام علىٰ رسول الله، أما بعد!جاندار مخلوق کی تصاویر والے کپڑے پہننا نماز اور غیر نماز دونوں حالتوں میں حرام ہیں۔کیونکہ نبی کریم نے تصاویر بنانے سے منع فرمایا ہے،اور انہیں مٹانے کا حکم دیا ہے۔ حدیث نبوی ہے کہ آپ نے سیدہ کے گھر تصاویر والا پردہ دیکھا تو اسے پھاڑ دیا اور فرمایا۔ «إن أصحاب الصور يعذبون يوم القيامة ويقال أحيوا ما خلقتم»تصاویر بنانے والوں کو قیامت کے دن عذاب دیا جائے گا اور ان سے کہا جائے گا کہ ان تصاویر کو زندہ کرو۔ حدیث نبوی ہےکہ آپ نے سیدنا علی کو حکم دیا۔ «لا تدع صورة إلا طمستها»ہر تصویر کو مٹا دو۔ باقی رہا تصاویر والے کپڑوں میں نماز کا مسئلہ تو اس میں اہل علم کا اختلاف پایا جاتا ہے،لیکن راجح موقف یہی ہے کہ ایسے کپڑوں میں نماز ہو جائے گی ،اورکپڑے پہننے والا علم ہونے پر گناہ گار ہوگا۔کیونکہ ایسے کپڑے استعمال کرنے کی حرمت مطلقا وارد ہے، نماز کے ساتھ خاص نہیں ہے۔ایسے کپڑے ہر حال میں پہننا حرام ہیں۔ ھذا ما عندی واللہ أعلم بالصوابفتاویٰ ثنائیہجلد 01 |
ماخذ:مستند کتب فتاویٰ
