السلام عليكم ورحمة الله وبركاته
باجماعت نماز کے دوران جب امام رکوع سے سر اٹھا کر سمع الله لمن حمده کہتا ہے تو پیچھے مقتدی کو کیا کرنا چاہیے۔ (شیخ ثاقب رحیم محمدی، وہاڑی)
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
مقتدی کو رکوع سے سر اٹھاتے ہوئے بھی سمع اللہ لمن حمدہ، ربنا لک الحمد پڑھنا چاہیے، نبی کریم صلی اللہ علیہ وسلم تسمیع و تحمید دونوں کہتے تھے آپ اکثر اوقات امام ہی ہوتے تھے لیکن چند دفعہ مقتدی بھی بنے ہیں جیسا کہ ابوداؤد وغیرہ میں ہے اور آپ کے تسمیع و تحمید کہنے کی احادیث عام ہیں دونوں حالتوں کو شامل ہیں تفصیل کے لئے مجلہ الدعوۃ کی طرف مراجعت کر لیں۔
ھذا ما عندي والله أعلم بالصواب
ماخذ:مستند کتب فتاویٰ
