السلام عليكم ورحمة الله وبركاته
بیوی اگر شوہر کے بلانے پراپنی کسی نفسیاتی یا بیماری کے عارضہ کے سبب انکار کرے تو کیا وہ گناہ گار ہو گی؟
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
بیوی پر واجب ہے کہ شوہر جب اسے اپنے بشتر پر بلائے تو انکار نہ کرے۔ لیکن اگر وہ کسی بیماری وغیرہ کے عارضے سے دوچار ہو کہ شوہر کا ساتھ نہ دے سکتی ہو تو شوہر کے لیے اس سے یہ مطالبہ کرنا حلال اور جائز نہیں ہے۔ کیونکہ نبی صلی اللہ علیہ وسلم کا فرمان ہے کہ لا ضرر ولا ضرار ’’نہ دکھ دو اور نہ بدلے میں دکھ دو۔‘‘ (سنن ابن ماجہ،کتاب الاحکام،باب من بنی فی حقہ مابضر بجارہ،حدیث:2341۔السنن الکبری للبیسقی:69/6،حدیث:1166۔) اسے چاہئے کہ توقف کرے، یا اس انداز سے تمتع اکرے جس سے بیوی کو کوئی ضرر نہ ہو۔
ھذا ما عندي والله أعلم بالصواب
ماخذ:مستند کتب فتاویٰ
