السلام عليكم ورحمة الله وبركاته
اجنبی عورت کے بوڑھی ہونے کی صورت میں اس سے مصافحے کا کیا حکم ہے؟نیز جب اپنے ہاتھ پر کپڑے وغیرہ کی آڑ لے تو کیا حکم ہوگا؟
وعلیکم السلام ورحمة اللہ وبرکاته!
الحمد لله، والصلاة والسلام علىٰ رسول الله، أما بعد!
کسی بھی حال میں غیر محرم عورتوں سےمصافحہ جائز نہیں،چاہے وہ جوان ہوں یا بوڑھی ہوں،چاہے ہاتھ ملانے والا نوجوان ہو یاانتہائی بوڑھا ہو کیونکہ اس میں ان دونوں کے لیے فتنے کا خطرہ موجود ہے جبکہ نبی کریم صلی اللہ علیہ وسلم سے صحیح طور پر ثابت ہے کہ آپ صلی اللہ علیہ وسلم نے کہا:
"إِنِّي لَا أُصَافِحُ النِّسَاءَ "[1]
"میں عورتوں سےمصافحہ نہیں کرتا"
اورام المومنین حضرت عائشہ صدیقہ رضی اللہ تعالیٰ عنہا فرماتی ہیں:
"نہیں اللہ کی قسم! بیعت لیتے ہوئے آپ صلی اللہ علیہ وسلم کا ہاتھ کسی عورت کے ہاتھ کو نہیں لگا۔ آپ صلی اللہ علیہ وسلم ان سے یہ کہہ کر بیعت لیتے بلاشبہ میں نے تم سے اس پر بیعت لے لی"
اورفتنے تک پہنچنے کےذرائع کو بند کرنے کے لیے،اور دلائل کے عام ہونے کی وجہ سے رکاوٹ یا غیر رکاوٹ میں مصافحہ کرنے میں بھی کوئی فرق نہیں۔(سماحۃ الشیخ عبدالعزیز بن باز رحمۃ اللہ علیہ )
[1] ۔صحیح سن النسائی رقم الحدیث(4181)
ھذا ما عندي والله اعلم بالصواب
