اللہ تعالی کا شکریہ ادا کرنے کا طریقہ السلام عليكم ورحمة الله وبركاته اللہ تعالیٰ کا شکر کس طرح ادا کریں۔؟ یعنی کون سی دعائیں پڑھیں اور مسنون اعمال کریں کہ اللہ تعالیٰ کا شکریہ ادا ہو اور نعمتیں بڑھیں۔ اور کیا یہ دنیاوی نعمتیں ہوں گی یا دنیا و آخرت دونوں جہاں کی نعمتیں۔؟

الجواب بعون الوهاب بشرط صحة السؤال

وعلیکم السلام ورحمة اللہ وبرکاته

الحمد لله، والصلاة والسلام علىٰ رسول الله، أما بعد!

الحمد للہ سے شروع ہونے والی تمام دعائیں اللہ کے شکریہ پر مشتمل ہیں،اور تمام نیک اعمال بھی شکریہ الہی کا ذریعہ ہیں۔ یہ نعمتیں دنیا وآخرت دونوں جہانوں کی ہو سکتی ہیں۔کیونکہ اللہ نے مطلقاً زیادتی کا تذکرہ کیا اور ان کو دنیا یا آخرت کے ساتھ خاص نہیں کیا۔ارشاد باری تعالیٰ ہے۔: ’’ لَئِنْ شَكَرْتُمْ لَأَزِيدَنَّكُمْ(ابراھیم:۷) اگر تم اللہ کا شکریہ ادا کرو گے تو ہم زیادہ دیں گے ھذا ما عندی واللہ اعلم بالصواب

فتویٰ کمیٹی

محدث فتویٰ