السلام عليكم ورحمة الله وبركاته
نماز میں ہر رکعت میں سورہ فاتحہ کے بعد جب کوئی دوسری سورت ملائیں تو کیا ہر سورت کے لئے بسم اللہ الرحمٰن الرحیم پڑھنا ضروری ہے۔؟
جزاکم اللہ خیرا
وعلیکم السلام ورحمة الله وبرکاته!
الحمد لله، والصلاة والسلام علىٰ رسول الله، أما بعد!
اس مسئلہ میں اہل علم کے ہاں مختلف آ راء پائی جاتی ہیں۔ لیکن راجح موقف یہ ہے کہ اگر سورۃ کے شروع سے قراءت کی جائے توسورۃ توبہ کے علاوہ ہر سورت کے شروع میں بسم اللہ پڑھی جائے گی، کیونکہ یہ سورۃ توبہ کے علاوہ ہر سورۃ کے شروع میں لکھی ہوئی موجود ہے۔
اور اگر سورۃ کے درمیان سے قراءت کی جائے تو بسم اللہ پڑھنا ضروری نہیں ہے۔ اس وقت سورہ فاتحہ کے شروع میں پڑھی گئی بسم اللہ ہی کافی ہو جائے گی۔
ھذا ما عندی واللہ اعلم بالصواب
فتوی کمیٹی
محدث فتوی
