زنا ایک شنیع اور قبیح ترین جرم ہے ۔ خصوصا محارم کے ساتھ اس کی قباحت اور زیادہ شدید ہو جاتی ہے۔اس کے مرتکب کو اللہ تعالی سے توبہ کرنی چاہئے اور اپنے اس گناہ پر خلوص نیت سےمعافی مانگنی چاہئے۔لیکن بہو کے ساتھ زنا سے اس کا اپنے خاوند کے ساتھ کیا گیا نکاح ختم نہیں ہوگا اور نہ ہی اس کو طلاق واقع ہوگی۔کیونکہ کسی بھی حرام فعل کے ارتکاب سے کوئی حلال فعل حرام نہیں ہوتا ہے۔ نبی کریمﷺ نے ارشاد فرمایا:
«لا يحرم الحرام الحلال»(ابن ماجہ:2015)
’’حرام کام کسی حلال كام کو حرام نہیں کرتا ہے۔‘‘
ھذا ما عندی واللہ اعلم بالصواب فتوی کمیٹی محدث فتوی
