نمازِ جمعہ کی ادائیگی اپنے گھر میں بیماری کی وجہ

بیماری کے سبب گھر میں نماز السلام عليكم ورحمةالله وبركاته! کیا ایسا مریض جس سے چلا نہ جاتا ہو وہ نمازِ جمعہ اپنے گھر ادا کرسکتاہے اور وہ باقی تمام نمازیں بھی اپنے گھر میں ہی پڑھتا ہے؟ الجواب بعون الوهاب بشرط صحة السؤال وعلیکم السلام ورحمة الله وبرکاته! الحمد لله، والصلاة والسلام علىٰ رسول الله، أما بعد! بیماری ایک عذر ہے، اگر وہ واقعی اتنا شدید بیمار ہے کہ مسجد نہیں جا سکتا یا اسے لے جانےوالا کوئی نہیں ہے تو مجبوری کی حالت میں وہ گھر میں بھی نماز پڑھ سکتا ہے۔ کیونکہ ارشاد باری تعالی ہے۔ لا یکلف اللہ نفسا الا وسعھا(البقرہ:286) اللہ تعالی کسی جان کو اس کی طاقت سے زیادہ تکلیف نہیں دیتے۔ لیکن جوں ہی اس کی طبیعت بحال ہوجائے یا اسے مسجد میں لے جانے والا کوئی مل جائے تو اسے مسجد میں ہی جانا چاہئے۔کیونکہ نبی کریم ﷺ نے سیدنا عبد اللہ بن ام مکتوم نابینا صحابی کو گھر میں نماز کی اجازت نہیں دی تھی۔ ھذا ما عندی والله اعلم بالصواب فتویٰ کمیٹی محدث فتویٰ