مقام ابراہیم پر دو سنت پڑھنا بھول جائے

دوران عمرہ طواف کے بعدمقام ابراہیم پر دو رکعت نماز نہ پڑھنے کا کفارہ السلام عليكم ورحمة الله وبركاته عمرہ کے دوران اگر کوئی شخص مقامِ ابراہیم پر دو سنت پڑھنا بھول جائے اور وہ عمرہ مکمل کرنے یعنی احرام کھولنے کے بعد اسکو حرم کی ہی حدود میں یا گھر جا کر یاد آئے تو اس کا کیاحکم ہے۔؟ الجواب بعون الوهاب بشرط صحة السؤال وعلیکم السلام ورحمة اللہ وبرکاته! الحمد لله، والصلاة والسلام علىٰ رسول الله، أما بعد! شیخ صالح العثیمین فرماتے ہیں کہ جمہور اہل علم کے نزدیک طواف کے بعد مقام ابراہیم پر دورکعت نماز ادا کرنا سنت ہے ،واجب نہیں ہے۔اگر کوئی شخص یہ رکعات نہیں پڑھتا ہے تو اس پر کوئی کفارہ نہیں ہے، لیکن وہ ان کی فضیلت سے محروم ہو جائے گا۔ اور اگر کسی کو حرم میں ہی یاد آ جاتا ہے (جیسا کہ آپ نے ذکر کیا ہے) تو اسے چاہئےکہ وہ اس فضیلت کو حاصل کرنے کے لئے ضرور یہ رکعات پڑھے ،اور اگر وہ وطن واپس آ گیا ہے تو پھر اس پر کوئی کفارہ نہیں ہے۔ ھذا ما عندی واللہ اعلم بالصواب فتوی کمیٹی محدث فتویٰ