عورت حیض میں جو کپڑا استعمال کرتی ہے وہ دھو کر پھنکنا چاہے

حیض کے کپڑوں کو دھوئے بغیر پھینکنا السلام عليكم ورحمة الله وبركاته میرا سوال یہ ہے کہ عورت حیض میں جو کپڑا استعمال کرتی ہے کیااسے دھو کر پھینکنا چاہئے یا کسی رنگ دار شاپر میں ڈال کربغیر دھونے کے بھی پھینک سکتی ہیں،کیا اس طر ح پھینکنے سے کوئی گناہ تو نہیں ہے۔ کسی نے ہمیں کہا ہے کہ یہ بہت گناہ کا کام ہے۔؟ الجواب بعون الوهاب بشرط صحة السؤال وعلیکم السلام ورحمة اللہ وبرکاته! الحمد لله، والصلاة والسلام علىٰ رسول الله، أما بعد! یہ ایک بالکل فضول،جہالت پر مبنی اور لغو بات ہے ،جس کا شریعت کے ساتھ کوئی تعلق نہیں ہے۔جب آپ نے اسے پھینکنا ہی ہے تو دھونے کی کیا ضرورت ہے ۔ہاں البتہ اگر اس کو دوبارہ استعمال کرنا ہو تو دھو کر دوبارہ بھی استعمال کیا جا سکتا ہے۔ ھذا ما عندی واللہ اعلم بالصواب فتوی کمیٹی محدث فتوی